Загрепчани пријавиле речиси 6.300 штети по невремето
Граѓаните на Загреб во периодот од 21 јули до 7 август пријавиле вкупно 6.285 штети – на објекти, лични возила и земјоделско земјиште, преку веб-апликација создадена за пријавување штети на имот поврзани со невремето.
Рокот за пријавување заврши на 7 август, а до денес на терен се обработени 4110 барања, односно околу 63 отсто од вкупниот број пристигнати апликации, а екипите на терен ќе продолжат со обработка на пријавените пријави до крај од август. Врз основа на обработените штети, стручното работно тело го утврдува обемот на штетата и врши финансиска проценка на вкупната штета.
Врз основа на овие податоци, градот ќе обезбеди средства за помош на граѓаните преку ревизија на буџетот, кој во септември ќе биде предложен до градското собрание на Загреб.
На граѓаните кои живеат во станбени згради континуирано им се укажува да ги користат своите права од полисите за осигурување на станбените згради. Примени се 120 пријави за штети на земјоделско земјиште, а до денес се обработени 96 или 80 отсто.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
