Врховниот судија Наке Георгиев поднесе оставка од Судски Совет

Врховниот судија Наке Георгиев, кој неодамна беше избран за член на Судскиот совет, утрово си поднел оставка, потврдуваат од Судскиот Совет за МИА.

- Достави известување за оставка од лични причини, велат од Судскиот Совет.

Оттаму дополнуваат дека неговата оставка е констатирана.

Георгиев денеска заедно со неговата колешка Антоанета Димовска требаше да даде свечена изјава пред претседателот на Собранието, Талат Џафери.

Седницата на Судски совет на која што се бираат судии е во тек.