Бектеши: Ако поскапи водата за пиење, нема поддршка за комуналните претпријатија
Ако јавните комунални претпријатија ја зголемат цената на водата за пиење, веќе нема да добиваат државна поддршка, порача денеска министерот за економија Крешник Бектеши.
Тој на прес-конференција во Владата потсети дека овие претпријатија веќе користат субвенционирана струја и затоа ги повика јавно да кажат зошто бараат да поскапи водата за пиење.
Бектеши информира дека веќе се доставни барања од општините да продолжи субвенционираната струја за јавните комунални претпријатија и училиштата.
-Има барање од општините да продолжи субвенционираната струја за јавните комунални претпријатија и учичиштата. Ги повикувам тоа да го направат преку ЗЕЛС или друго здружение, да достават барање до Владата и согласно анализите, кога ќе има простор, ќе им излеземе во пресрет. Подготвени сме обврските што ги имаат да ги покриеме, но, јавно да излезат и да кажат пред граѓаните зашто бараат поскапување на водата за пиење. Моментно користат субвенцинирана струја. Ако ја поскапат водата, нема да има подддршка од Владата, а ако не ја поскапат, поддршката ќе продолжи, подвлече Бектеши.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
