Рекорд: Во 2022 година во Антверпен запленети околу 110 тони кокаин
Во 2022 година белгиските власти заплениле речиси 110 тони кокаин во пристаништето Антверпен, првото пристаниште за влез во Европа за дрогата од Латинска Америка, соопшти денеска белгиската царина.
Првпат е надминат прагот од 100 тони.
Минатата година биле запленети точно 109,9 тони кокаин, наспроти 89,5 тони во 2021 година, соопшти царината.
Во холандското пристаниште Ротердам, уште еден сообраќаен јазол на европскиот континент, во 2022 година биле запленети 52,5 тони кокаин, а претходната година околу 70 тони.
Белгија и Холандија одлучија за првпат заеднички да објават годишен извештај за заплените на кокаин.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
