Гир: Во Новата година исполнете ги главните реформи – од владеење на правото, преку антикорупција, па сѐ до зголемување на стандардот

Евроамбасадорот во земјава, Дејвид Гир вели дека главната негова порака за Новата година се исполнување на главните реформите за продолжување на патот кон Европската Унија.

-Овие реформи се пред сѐ во интерес на самите граѓани. Тие опфаќаат широк опсег на прашања коишто ги засегаат граѓаните. Од владеење на правото, преку антикорупција, па сѐ до помагање на унапредување на стандардот на живеење и градење на економијата, рече Гир.

Евроамбасадорот вели дека овој процес треба да биде предводен од Владата, но потребно е обединување на сите политички чинители за да се постигне мирна и демократска земја во Европската Унија.