Страв и паника меѓу родители, деца и вработени - дојави за бомби во Скопје, Битола и Тетово
Страв и паника владее и денеска меѓу родителите, учениците и вработените во три града во Македонија и тоа Скопје, Тетово и Битола.
Од МВР за Прес24 информираат дека досега во СВР Битола, СВР Скопје и СВР Тетово e пријавено дека на електронските адреси на повеќе училишта во градовите пристигнале закани за поставени бомби.
„Во Битола (до сега едно училиште), Тетово (до сега две училишта) и Скопје (до сега седум училишта) е упатена закана за поставена експлозивна направа. Веднаш по добиените пријави, од полициски службеници се преземени мерки за безбедно евакуирање на објектите и во тек се антитерористички проверки и се преземаат мерки за расчистување на случаите“, изјавија од МВР за Прес 24.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
