Компании од Централна и Источна Европа ќе се запознаат со бизнис-потенцијалите на Македонија

Повеќе од 40 компании од Централна и Источна Европа денеска ќе имаат можност да се запознаат со бизнис-потенцијалите и можностите за инвестирање во Македонија, за време на Бизнис-форум во Скопје, во организација на Кабинетот на министерот задолжен за привлекување странски инвестиции Бил Павлески и Европската стопанска комора за Централна и Источна Европа (ЕуЦхам ЦЕЕ) предводена од претседателот Микеле Орзан.

Вицепремиерот Владимир Пешевски, и директорот на Дирекцијата за ТИРЗ Виктор Мизо предвидено е да имаат свое обраќање на настанот.