Лицата со телесен инвалидитет ќе добијат ортопедско помагало без партиципација

Бесплатно ортопедско помагало од Центарот за ортотика и протетика „Славеј“ месецов, ќе можат да си набават членовите од Националниот сојуз на лица со телесен инвалидитет - Мобилност Македонија.

Акцијата се одвива под покровителство на Центарот „Славеј“, по повод 3 декември - Светскиот ден на лицата со инвалидност. 

Лицата со телесен инвалидитет ќе немаат потреба да плаќаат партиципација но потребно е да достават потврда за ортопедско помагало заверена во месец декември и членска книшка од Националниот сојуз на лица со телесен инвалидитет.