Предлог - буџетот за 2014 денеска пред Комисијата за финансирање и буџет
Во македонското Собрание денеска седници ќе одржат комисиите за финансирање и буџет, за транспорт, врски и екологија и за локална самоуправа.
На дневен ред на Комисијата за финансирање и буџет е Предлог-буџетот на Република Македонија за 2014 година и Предлог-законот за извршување на Буџетот на Република Македонија за 2014 година, по скратена постапка.
Комисијата за транспорт, врски и екологија ќе ги разгледа измените и дополнувањата на Законот за јавните патишта и на Законот за превоз во патниот сообраќај, и двата во прво читање.
Членовите на Комисијата за локална самоуправа ќе расправаат по Предлог-законот за изменување и дополнување на Законот за Државниот инспекторат за локална самоуправа, во прво читање.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
