Ковачевски: Мицкоски да го облече работничкото одело и да помогне во справувањето со хаваријата во РЕК Битола

Директорот на АД ЕСМ, Васко Ковачевски денеска реагираше на последните прес-конференции и соопштенија од опозициската ВМРО-ДПМНЕ.

Вработените во рудниците ги вложуваат најмаксималните напори да се средат состојбите и да се врати нормалното функционирање во рудникот Суводол, а потоа и во рудникот Бродњоти. Меѓутоа, мотивацијата нивна е голема од една страна, но крајно се разочарани од политичките изјави од опозициската ВМРО-ДПМНЕ и нивниот лидер Христијан Мицкоски кој во овој период наместо да помогне, само одмага, рече Ковачевски.

Според него, најдобро е во овој момент ВМРО-ДПМНЕ да молчи.

-Доколку нешто не му е јасно, особено на професорот Мицкоски кој во одреден период беше директор во компнијата нека го соблече удобното салонско одело и лакираните чевли. Нека облече работничко одело како нас и нека дојде во рудникот Суводол да види со каква елементарна непогода се справуваме сите во комбинатот и во нашата компанија, рече Ковачевски.