Мисајловски: Здравјето на граѓаните е несомнено пред се, избори ќе има кога ќе има идеални услови

Здравјето на граѓаните е несомнено пред се, избори ќе има кога ќе има идеални услови, а политичките елити мора трезвено да размислуваат и да донесуваат одлуки кои нема да бидат на штета на граѓаните, изјави потпретседателот на ВМРО-ДПМНЕ и носителот на Изборната единица 2 на предвремените  парламентарни избори Владо Мисајловски, во емисијата „Заспиј ако можеш” на Алфа Телевизија.

Мисајловски истакна дека Република Македонија се наоѓа во една незавидна ситуација поради пандемијата предизвикана од Ковид-19 вирусот и дека во моментов е најважно здравјето на граѓаните, здравствените лица и на сите оние кои што се во првите редови во борбата со Ковид-19.

Во одно на денешната лидерска средба кај претседателот Пендаровски, Мисајловски потенцираше дека најголем дел од лидерите разумно пристапија на денешната лидерска средба и не сакаа по секоја цена да се одржат избори доколку тоа лошо се одрази на граѓаните.

„Не е човечки животите на граѓаните да се стават во втор план. Ние како ВМРО-ДПМНЕ тоа нема да поддржиме и децидно стоиме зад ставот кој денеска го искажа и претседателот Мицкоски”, вели Мисајловски.

Тој додаде дека Заев инсистира на брзи избори затоа што како и секогаш воопшто не се грижи за македонските граѓани и нивното здравје.

„ВМРО-ДПМНЕ е сериозна партија која постои за граѓаните и работи за граѓаните. Ако на Зоран Заев не му е важно здравјето на граѓаните и ако изборите се поважни од граѓаните во моментов, нека му служи на чест. ВМРО-ДПМНЕ со тоа нема да се согласи и ќе биде за организирање на изборите тогаш кога ќе има идеални услови за нивно одржување, без при тоа граѓаните да бидат оштетени на било каков начи, вели Мисајловски.