Николовски: СДСМ е одговорна, ги почитува препораките на институциите, откажани големите настани
СДСМ е одговорна партија, се грижи за здравјето на граѓаните и своите партиски активности целосно ќе ги прилагоди на препораките на Комисијата за заштита од заразни болести, како дополнителни мерки во борбата против корона вирусот, информираше на денешната прес-конференција генералниот секретар на партијата Љупчо Николовски.
На прашањето дали, после последните препораки, ќе има рестрикции во однос на јавните собири, Николовски информираше дека активностите на претседателот Зоран Заев и на партиското раководство планирани за деновиве ќе се одложат.
„Целосно ги почитуваме сите препораки што доаѓаат од надлежните институции. Впрочем и вчера на Конгресот секој делегат потпиша изјава дека не патувал во регионите со најголеми жаришта, по што добиваа полномошно за да може да учествуваат на самиот конгрес. Нема поголема вредност од јавното здравје и сите сме обврзани да се грижиме за интересите на сите граѓани“, изјави денеска Николовски.
За СДСМ државните интереси и здравјето на граѓаните се најважни и затоа како партија носи одговорни и брзи одлуки кои значат целосно и доследно почитување на препораките на надлежните институции.
10.03.2020 - 16:29
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
