СДСМ: Повеќе пари за граѓаните, минималната плата покачена за 5.500 денари
Од економија која што во последниот квартал од владеењето на ВМРО ДМПНЕ бележеше негативен раст од -1.8%, стигнавме до раст од 3.6% во трите квартали на 2019 година. Ова денеска го велат од СДСМ.
- Овој раст овозможува да се грижиме за сите и за само 2.5 години ја зголемивме минималната плата на 14.500 денари, или 5.500 денари зголемување од срамните 9.000 денари колку што изнесуваше во времето на ВМРО ДПМНЕ. Невработеноста покажува одржливо намалување, поддржано од значително креирање на нови работни места. Невработеноста е намалена на историски најниско ниво од 17,1 насто, од 23,6 насто пред 2,5 години. За само 2,5 години, преку водење на успешни и конкретни економски политики отворени се околу 60.000 нови работни места, од кои повеќето се во реалниот сектор. Ова е разликата, ние отвараме реални работни места наспроти административно бришење на невработени во времето на ВМРО ДПМНЕ. СДСМ поддржува зголемување на платите до 6.000 денари во приватниот сектор преку субвенционирање на придонесите. Ги поддржуваме младите од 18-23 кои ќе се вработат во производствени капацитети со дополнителни 3000 денари секој месец. Сите граѓани заслужуваат да живеат достоинтвено, велат тие.
Додаваат дека СДСМ и во 2020 година продолжува со мерките и политиките што обезбедуваат економски раст и повеќе пари кај граѓаните и во 2020 година.
30.12.2019 - 08:58
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
