ВМРО-ДПМНЕ: Судот и правосудните органи ја злоупотребуваат мерката притвор
ВМРО-ДПМНЕ со соопштение до јавноста обвинува дека судот е најдиректен и најодговорен учесник во се поголемиот раздор и продлабочување на кризата поттикната од катастрофалните политики на владата на СДСМ.
„Судот е директен соучесник во креирањето на недемократска атмосфера на страв, во која што Заев ќе може без опозиција да носи закони за двојазичност, да ја задолжува земјата или да ратификува договори со кои се брише историјата и македонскиот јазик“, пишуваат од партијата.
Оттаму додаваат дека „доколку судиите имаа интегритет, совест и свест ќе ги ослободеа сите неправедно притворени лица од 27-ми април.
„Дурловски, Јовановски, Дамовски, Илиевски, Божиновска, Чавков, Мукоски и останатите неправедно обвинети се жртви на политички прогон само заради храброста, гласно да го искажат своето несогласување“, се вели во соопштението.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
