Постојат четири вида луѓе на Фејсбук - во која група спаѓате вие

Научниците на Универзитетот Бригам Јанг со помош на прашалник од 48 различни тврдења откриле дека испитаниците можат да се поделат на 4 различни групи:

- создавачи на врски

- портпароли

- селфи

- и оние кои „висат пред излог“

Создавачите на врски одговараат на постови на други луѓе и користат Фејсбук за да ги зацврстат постоечките врски. Користат Фејсбук како продолжение на реалниот живот со семејството и пријателите.

Портпарол лицата не ги делат личните работи за себе, но сакаат да известуваат за настани кои се случуваат. Споделуваат информации и вести, а својот профил главно го занемаруваат.

Слефи лицата го користат Фејсбук за своја промоција. Споделуваат фотографии, снимки и новости, но само со цел да привлечат внимание и лајкови.

Оние кои „висат пред излог“ чувствуваат обврска да бидат на Фејсбук, но ретко делат лични информации. Тие сакаат да видат што прават другите и се однесуваат исто како оние кои само доаѓаат да видат што има на излог од некој бутик.