ВИДЕО: Страшни слики од сообраќајката во Турција - еден Македонец загинат десетици повредени

Еден македонски турист загина, а најмалку 38 се повредени во сообраќајна несреќа што се случила синоќа во близина на градот Текирдаг.

Kако што објавуваат турските медиуми, македонски туристички автобус, кој се враќал од Истанбул кон Македонија, се судрил со камион.

Во автобусот имало двајца возачи и 39 патници. Несреќата се случила откако автобусот удрил позади во шлеперот. Причината за несреќата се уште не е позната.

На самото место починал македонски државјанин на возраст од околу 40 години, а повредените се пренесени во болница. Пет од нив се во тешка состојба.

Повредените патници биле префрлени на лекување во најблиската болница во Малкара, а тие што минале со полесни повреди останале на местото на несреќата. Една жена била заробена меѓу седиштата од автобусот кој пак останал заглавен во шлеперот. Таа со тешки повреди на екстремитетите била пренесена во државната болница во Кашан. Според информациите на турските медиуми, жената останала без двете нозе и се наоѓа во животна опасност. Во тешка здравствена состојба биле уште најмалку тројца патници.

 
 
06.09.2016 - 11:20

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега