Црвениот Крст со голема крводарителска акција за Голема Богородица

Општинската организација на Црвен крст Центар во соработка со Институтот за трансфузиона медицина и оваа година по 14-ти пат ќе ја реализира традиционалната крводарителска акција по повод празникот „Голема Богородица“.

Акцијата ќе се одржи на 28.8.2016 година во Дом на АРМ од 09.00 до 17.00 часот.

Оваа крводарителска акција има долга традиција со голем одзив од страна на граѓаните на Скопје. Се надеваме дека оваа година ќе ја надминеме бројката од 242 крвни единици кои беа реализирани на истата акција во 2015 година.