Единаесет лица завршија на скопските Клиники
Единаесет лица се полесно повредени во шест од евидентираните 10 сообраќајни несреќи во изминатите 24 часа во Скопје. Во четири сообраќајки е причинета само материјална штета.
Како што информира за МИА самостојниот инспектор Драган Вељаноски од СВР - Скопје, во текот на изминатиот ден сообраќајната полиција исклучила од сообраќај двајца возачи под дејство на алкохол и четворица возачи кои поминале на црвено светло на семафор.
Затекнати се и шест нерегистрирани возила, шест лица без возачка дозвола и 29 непрописно паркирани возила.
Со помош на специјалното возило пајак, во текот вчерашниот ден отстранети се 70 возила кои во поголема мера го попречувале нормалното одвивање како пешачкиот така и моторниот сообраќај.
Во рамки на проектот за сообраќајна култура на децата во предучилишни установи Одделението за превенција при СВР - Скопје денеска ќе реализира едукативни работилници во објектот „Стапалче“ во градинката „8 Март“ во општина Кисела Вода.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа