Ќе никнат две бензински во Велес

Градоначалникот на општина Велес, Славчо Чадиев на денешната прес конференција информира дека Општина Велес веќе го објавила огласот за двете бензински пумпи кои треба да бидат изградени од вкупно девет долж „Коридорот 10“ во Македонија.

Едната со површина од 50.000 мeтри квадратни е во месноста „Ветерско“ а другата со големина од 40.000 метри квадратни е во месноста „Чолошево“. Почетната цена е 200 денари за метар квадратен, а огласот ќе трае до 27-ми август, кога ќе се избере најповолниот изведувач.

Општина Велес со продажбата на овие две локации за бензински пумпи ќе добие финансии од продажбата и од комуналиите, ќе се отворат и нови работни места, а ќе овозможат и за развој на туризмот долж многу значајниот Коридор 10, потенцира градоначалникот Славчо Чадиев.

ФОТО: Вис