Страшна глетка на Стража: Изгоре автобус
Патнички автобус денеска попладне изгоре во близина на Стража. Како што велат очевидци, патниците исплашени и во паника стоеле на патот и чекале да дојде друго возило што ќе ги пренесе до нивните дестинации, објавува ТЕЛЕГРАФ.
Портпаролот на СВР-Охрид, Стефан Димоски, соопшти дека денеска попладне околу 17 и 30 часот на патот Кичево-Гостивар во близина на Стража изгорел автобус со српски регистерски таблички. Во автобусот имало 50 патници, но за среќа нема повредени. Пожарот настанал од моторот на автобусот.
– Пожарот започнал од моторот и го зафатил целиот автобус. Веднаш откако возачите забележале дека гори, смирено и брзо ги извадиле сите патници на безбедно. Огнот се проширил и го зафатил цел автобус. Во пожарот изгореле и куферите и документи на патниците, изјави Димоски за Телеграф.мк.
Во моментов сè уште се врши увид во присуство на јавен обвинител. Во гаснење на пожарот интервенирала кичевската противпожарна бригада.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа