Вељаноски: Граѓаните на Република Македонија одлучуваат кој ќе формира Влада

Изборите кои на 5-ти јуни ќе се одржат во Македонија  ќе ја расчистат политичката магла која во моментов владее. Тогаш ќе се признае гласот на народот кој секогаш е најдобар глас, истакна претседателот на македонското Собрание, Трајко Вељаноски во интервју за ТВ НОВА.

-Гласот на народот кажува која политичка партија во следниот период треба да го води народот. На 6-ти јуни треба да имаме чиста ситуација затоа што за жал ваквата состојба премногу го оптерети општеството, не само политичките субјекти и граѓаните, туку цело општество, вели тој.

На Македонија и е потребна стабилна Влада која ќе ги решава предизвиците со кои земјава се соочува.

-Секогаш има предизвици особено во Балканот и во нашиот регион, но ова премногу траеше. Ситуацијата како што е мигрантската криза не зависи од нас. Она што зависи од нас ние треба да си го завршиме. Таа криза ни беше наметната  и во неа Република Македонија добро се снајде. Но, потребни се цврсти одлуки од една стабилна Влада, а тоа е секако после изборите кои што на сите предизвици ќе одговори. Вклучувајки ја мигранстката криза, вклучувајки на економските ситуации и вклучувајки на севкупната регионална политика што за жал се води овдека во регинот , во кој што спаѓа и Македонија. Затоа е потребно не вака вештачки наметната Влада, него Влада изворно од народот, а тоа е секако изборите на кој што одлучуваат кој треба да ги води граѓаните на Република Македонија, рече Вељаноски.