Денеска не се плашете од ништо: Оваа молитва ќе ве заштити од злобните луѓе
Денеска е Св. апостол Тимотеј.
Тимотеј бил роден во град Листра, Мала Азија. Таму овој дијамант го нашол апостол Павле, на своето прво патување. Подоцна Тимотеј ќе му стане постојан сопатник на апостолот и негова тврда поткрепа. Свети Тимотеј е првиот ефески епископ. Во Ефес го заврши и својот живот пострада маченички за Христа во 97 година. Во четвртиот век моштите му беа пренесени во Цариград и положени во црквата Свети Апостоли. Во средните векови крстоносците ги однесоа во Италија. За него се зборува во Делата апостолски, а во новозаветниот канон има и две посланија од апостол Павле упатени до Тимотеј.
Тој се смета за заштитник на добрите и праведните, па денеска не треба да се плашите од противниците. Замолете го Бог за помош па Тимотеј ќе биде на ваша страна.
Оваа молитва кажете ја денеска:
„Богомудар Тимотее, ти си пиел од потокот на сладоста, и богомудро си ги напоил со богопознание и оние што сакаат топло да Го подржат Христа. Затоа си отишол при Него радосно. Молиго Христос Бог да ги спаси нашите души".
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
