Биометеото повторно неповолно - главоболки и општа слабост

Oпшта слабост, деконцентрација и чувство на тежина во главата се симптомите што може да ги почувствуваат денеска метеоропатите.

Според Управата за хидрометеоролошки работи и утре временските услови ќе предизвикаат нелагодност кај почувствителните лица. Во раните утрински часови можна е појава на главоболки, но и болки во колената, грбот и на вратот, претпладне општа слабост и чувство на тежина во главата, додека во попладневните часови болките од ревматски карактер и од артритични промени ќе бидат поинтензивни.