Оваа година ќе биде најтопла откако се мерат температурите
Просечната температура за јуни на светско ниво изнесувала 16,33 степени, што е за 0,12 степени повеќе во однос на минатогодишниот рекорд. Јуни, оваа година, според просечните температури на планетата, бил најтопол уште од 1880-тата година од кога се вршат мерењата.
Овој јуни просечната температура била 0,88 Целзиусови степени повисока од просекот во 20-сеттиот век. Надминат е рекордот од минатогодишниот јуни, кога температурата била 0,12 степени над просекот.
Според податоците на американската институција, температурниот рекорд е поставен и кога се посматра полугодишниот период јануари-јуни.
Оваа година за периодот јануари-јуни просечната температура на копно и на океаните била за 0,85 Целзиусови степени повисока од едновековниот просек и највисока уште од 1880-тата година.
Досега полугодишен рекорд бил забележан во 2010-тата година, кога температурата била 0,09 Целзиусови степени повисока од просекот од 1880-тата година.
Портпаролот на американската Национална администрација за океани и атмосфера истакна дека во иднина се очекува уште поголем раст на температурата, што може да има катастрофални последици.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
