Сите информации на едно место - „Купи куќа, купи стан“ тргнува од Охрид
Во рамки на Карванот „Купи куќа, купи стан“, Министерството за финансии заедно со претставници на банките и локални градежни компании денеска во Охрид ќе одржат презентација на проектот: како да се аплицира за субвенциите, кој може да аплицира и локална понуда на станови и куќи.
Според концептот „сите информации за проектот на исто место“, планирани се презентации од претставници на Министерството за финансии, банки и локални градежни компании денеска во Охрид, а потоа секоја недела карванот продолжува во друг град Битола, Прилеп, Гевгелија, Струмица, Штип, Тетово, Велес и Куманово.
Сите заинтересирани граѓани може да ги посетат презентациите и да се информираат за субвенцијата за купување сопствен дом.
Неодамна од Министерството за финансии го доделија 500-тото решение од проектот „Купи куќа, купи стан“.
Според Министерството за финансии, карваните низ поголемите градови се поради големиот интерес кај граѓаните за проектот и со оглед на тоа што една третина од одобрените барања се од внатрешноста на државата.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа