ВМРО ДПМНЕ: СДСМ ќе остане запаметен како партија која работела против интересите на Македонија

Зоран Заев и СДСМ се единствената политичка партија која ќе останат во колективното паметење на Македонија и македонскиот народ дека работеле спротивно на државните интереси и против својот народ, соработувајќи со странски центри. 

Единствената цел на Зоран Заев и СДСМ е да го наруши угледот на државата, да предизвика конфликти внатре во Македонија и се надева да ја добие власта без поддршката на граѓаните. Воопшто не ги интересира штетата која ја нанесуваат на граѓаните и на државата.

СДСМ и Зоран Заев се нервозни зошто се фатени на очиглед на целата јавност како соработници на странски центри и се заплеткани во туѓи сценарија. Зоран Заев и самиот повеќе пати се фати во лага и призна дека соработува со странски центри.

СДСМ се нервозни, жолчни и јадни зошто знаат дека македонскиот народ нема да игра по сценариото на странските центри. Таа улога ќе ја има само СДСМ.