Груевски: За тоа дали некој е добар или не потребно е нешто многу повеќе од неколку телефонски креирани разговори

Премиерот Никола Груевски на денешната прес-конференција одговори на, како што рече, злонамерните коментари за тоа како се чувствувал кога слушал низ креираните снимки однесување на неговите соработници кои се однесувале нечовечки.

-За тоа дали некој е човек или не, и за да се просуди за неговата личност, дали е добар или не како човек, потребно е нешто многу повеќе од неколку телефонски креирани разговори. И на најдобриот човек на светот ако му извадиш делови од неколку разговори во негативно расположение, можете да го претставите како лош човек, тоа е манипулација од страна на тој што ги креира и селектира разговорите, нагласи Груевски.