ФОТО: Во маичка со натпис „Исламска држава“ се прошетал низ Сараево

Денеска во Сараево се случил еден многу чуден инцидент, за првпат на Балканот човек се прошетал низ улица со маичка на која стоел натпис од озогласената џихадистичка организација „Исламска држава“.

Како што пишува „Дневни аваз“, откако се случил инцидентот од босанското Министерство за внатрешни работи не дале никакво соопштение во врска со овој инцидент.

На фотографијата која „Дневни аваз“ ја добил од читател, се гледа маж со брада и двајца полицајци.

Покрај овој инцидент, минатата недела на куќа во Горна Маоча кај Брчко биле истакнати знамиња на Исламската држава.

Сепак, кога на терен излегле припадници на Државната агенција за истрага и заштита, СИПА, знамињата веќе ги немало. Од СИПА изјавиле дека истрагата за инцидентот продолжува.

Жителите на ова место веќе една деценија се под истрага на полициските разузнавачки агенции поради сомнеж дека се поврзани со тероризам.