Грција ја состави новата Влада, ова е новиот министер за надворешни

Попладнево е соопштен составот на новата грчка влада чии министри подоцна ќе положат заклетва, јави дописникот на МИА од Атина.

Економистот Јанис Драгасакис е назначен за заменик премиер кој ќе ја надгледува работата на сите министерства, а Габриел Сакеларидис ќе биде портпарол на владата.

Политичкиот економист Јанис Варуфакис ќе биде министер за финансии, лидерот на Независни Грци Панос Каменос за одбрана, а на чело на новото министерство за внатрешни работи и јавна администрација ќе биде Никос Вуцис.

Јоргос Статакис е задолжен за новото министерство за економија, инфраструктура, трговска морнарица и туризам, а новото министерство за реформи во производството, енергетика и животна средина оди во рацете на Панајотис Лафазанис.

Левичарскиот политиколог Никос Котзиас е назначен за министер за надворешни работи, Панајотис Курублис за здравство, Никос Параскевопулос за правда, а Аристидес Балтас за култура, образование и верски прашања.