Пристигна циклонот Вера: Паѓаше град со големина на орев - какво ќе биде времето до крајот на денот?

Во текот на целото претпладне во источните делови од земјава имаше поројни врнежи од дожд, проследени со грмежи и засилен, а на места повремено и силен ветер. Имаше и појава на ситен град во општина Конче, а во Струмица појава на град со големина на орев. 

  До крајот на денот ќе се задржи претежно облачно со повремени врнежи од дожд, на планините со повремен снег. Во источните делови врнежите ќе бидат пообилни и ќе има појава на локална нестабилност со пороен дожд, грмежи и засилен ветер од јужен правец. Кон крајот на денот врнежите ќе слабеат.