Во прекин железничкиот сообраќај Демир Капија - Гевгелија
Во прекин е железничкиот сообраќај Демир Капија - Гевгелија поради прекин во железничката пруга како последица на обилните дождови кои го зафатија Демиркаписко, информира Тихомир Каранфилов од одделението за односи со јавноста при Центарот за управување со кризи.
- Според она што го имаме како информација засега, поплавени се и подрумски простории во Специјалниот завод во Демир Капија. Се работи на отстранување на водата. Поради излевање на реката Бошавица на едно место е скинат заштитниот насип на улицата Партизанска која е полна со вода па се работи и таму на поправка на насипот, нагласува Каранфилов.
Според него, на терен се екипи кои ги констатираат штетите и дали има поплавени куќи. Се работи на отстранување на последиците.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа