Конечно паднаа маските - СДСМ и официјално застана зад штрајкот на СОНК

Неуспешниот штрајк на Јаким Неделков и СОНК има единствено политичка конотација. Ова и официјално се потврди откако синоќа најголемата опозициска партија СДСМ и официјално застана зад штрајкот на овој синдикат, кој инаку доживеа целосен дебакл

СДСМ од Струга вчера излезе со соопштение во кое дава поддршка за штрајкот на СОНК и Јаким Неделков.

-Наставниците и професорите имаат уставно загарантирано право на штрајк. Законските измени имаа единствена цел, а тоа е заплашување и уценување на просветните работници. Очигледно, во Струга најголем дел од нив не подлегнаа на притисоците и заканите што ги добиваат во многубројните лични јавувања од страна на директорите. Во струшките училишта стравот е победен. Ние целосно ги поддржуваме нивните барања. Не може екстерното тестирање да биде критериум за парична казна, а кога власта може да троши пари за споменици, за камен и мермер, тогаш може да им ја зголеми и платата на вработените и да им ги подобри условите за работа. На крајот, ги повикувам директорите да прекинат со притисоците зошто го кршат уставот и поради тоа ќе одговараат, вели претседателот на СДСМ од Струга, Даме Ложанкоски, пренесе Курир.

Дополнително, штрајкот на СОНК се разобличува ако се земе во предвид дека единствено само Струмица и Куманово, општини кои се ракоодени до опозицијата, дадоа поддршка за истиот. Во сите други општини, наставата тече редовно без никакви пречки.