Македонска тава
- 500 гр свински врат (свежо месо)
- 500 гр пилешки гради
- 250 гр свежи печурки шампињони
- 150 гр сушена сланина
- 100 гр мешан кашкавал
- 500 мл млака вода
- 150 мл павлака за готвење (неутрална)
- 1/4 од китка магдонос
- 2 лажици брашно
- 1 лажица мелен црвен пипер
- 1 лажица мешан сув зачин
- 2 ловорови листа
- 1 мало лажиче мелен бибер
- 1 лажица буковец
- масло по потреба
-
Ако сакате вкусен, богат ручек кој изобилува со месо, повелете рецепт.
1. Месото го сечкаме на мали парчиња, едно парче-едно залче. Сланината ја сечкаме на коцки, а печурките на листови.
2. Прво го динстаме свинското месо, прелиено со вода. Откако ќе се свари, додаваме масло и го упржуваме. Го вадиме од тавата. Во истата тава го ставаме пилешкото месо и го упржуваме. Го вадиме од тавата. Ги ставаме печурките и сланината и нив ги пржиме, сланинката да ни поцрвени, а печурките да ни омекнат.
3. Сите испржени состојки ги ставаме во тава. Брашното го мешаме со малку вода, за да нема грутчиња. Го раствораме во млаката вода и заедно со павлаката го преливаме месото. Ги додаваме зачините, промешуваме и ја покриваме тавата со капак.
4. Ја ставаме во загреана рерна на 250 степени. Кога ќе почне да врие месото, за некои 10-15 минути, го тргаме капакот и продолжуваме да го печеме на 200 степени, додека да ни се зацрвени месото и да ни се згусне сосот во кој што го печеме. Кога ќе биде испечено месото рендаме на крупно кашкавал врз него и го оставаме да се стопи.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
