Пронајдени стебла канабис сатива во тетовско
Поголема количина стебла и искорнати гранки „канабис сатива“ пронашла вчера полицијата на две одвоени парцели во атарот на тетовското село Палатица.
На парцела сопственост на 55-годишниот А.Ј. биле пронајдени и искорнати 89 стебла „канабис сатива“ со различна големина од половина до два метри, а во соседната парцела на 43-годишниот И.Џ. пронајдени се уште 57 делови -гранки, од вакви искорнати стебла.
Пронајдените стебла со соодветна судска наредба се одземени и ќе вештачат. Се расветлуваат сите поединости во врска со пронајдените количини „канабис сатива“ по што ќе следуваат поднесоци, изјави Јосифовски.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа