Воз удри во трактор во тетовско
Трактор со приколка бил удрен од возот кој сообраќал на релација Скопје-Кичево во близина на Ратајскиот премин преку пругата во атарот на селото Порој, информира портпаролот на СВР Тетово, Марјан Јосифовски.
Според неговите податоци сообраќајката се случила околу 14 часот и 40 минути кога возот број 663 удрил во тракторот од марката „форд“ со приколка, без регистарски табличкки управуван од М.Б.(33) од Порој.
- За среќа нема повредени бидејќи трактористот скокнал додека тракторот и приколката се оштетени, а извесни оштетувања претрпел и возот, но не во таа мера што би го попречиле неговото понатамошно движење. Сепак движењето на возот кон Скопје ќе продолжи откако ќе заврши увидот на екипи на СВР Тетово кои се на местото од несреќата. Според првичните информации од возачот на тракторот сакал да помине преку пругата и токму во тој момент му изгасил моторот од тракторот, по што откако го забележал возот скокнал настрана, рече Јосифовски.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
