Позната српска пејачка опасен терорист за САД

Позната српска пејачка веќе 11 години се наоѓа на црната листа на американската амбасада во Белград и во нивната евиденција се води како „опасен терорист“, пишува Информер.

Според неофицијални информации, Цеца Ражњатовиќ на листата се наоѓа од 2003-та година кога е уапсена во акцијата „Сабја“ и во амбасадата на Америка е заведена под шифрата 410 која означува „тероризам и терористички групи“.

-Барав виза во 2012 година, имав закажана турнеја во САД, но ме одбија без никакво објаснување. Подоцна слушнав дека во амбасадата ме водат како некаков терорист. Верувам дека сепак е случајна грешка кој порано или подоцна мора да биде исправена. Слушнав се и сешто, но најверојатно на оваа листа се најдов поради еден моќен политиар, по чиј налог бев и уапсена во 2003-та. Во секој случај пред „Сабја“ немав проблем во добивање на виза и неколку пати патував во Америка, изјавила Цеца.