Индиски бизнисмени заинтересирани за инвестирање во Стар Дојран

Индиски бизнисмени се заинтересирани за инвестирање во туристичко развојната зона во Стар Дојран.  Од општината велат дека сега се чекаат студиите и анализите од инвеститорите чие што евентуално вложување во Дојран значително ќе ја збогати туристичката понуда и ќе овозможи поголем опфат на гости.

- Погледнавме заедно неколку локации. Гостите се заинтересирани за туристичко развојната зона и голф теренот што го имаме како предлог локација. Тие за скоро време ќе изготват студија која ќе покаже дали ќе инвестираат во Дојран, рече градоначалникот Борче Стамов.

Стамов потенцира дека општината е во контакт и со домашни инвеститори кои сакаат својот капитал да го вложат во хотели и други капацитети во туристичката зона и оти на есен ќе има конкретни проекти и почеток на градежни активности.