„Денешен“: Тајна средба за договор за подбуцнување тензии?!

Во новинарската јавност се повеќе се говори за наводна неформална средба која се случила пред неколку дена помеѓу новинарот и уредник Ацо Кабранов, првиот човек на Институт Отворено Општество Владимир Милчин, професорот Љубомир Фрчковски заедно со член на раководството на СДСМ близок до лидерот Зоран Заев, пишува порталот Денешен.

На средбата, дознава порталот, се зборувало за можно извлекување на политички бенефит од настаните кои следуваа по пресудите за „Монструм“. Според инфорамциите на Денешен, на состанокот бил донесен заклучок дека енергијата треба да се насочки кон стимулирање на етнички и религиозни тензии за да се предизвика незадоволство кај народот од главните актери на власта.

-За таа цел на средбата било договорено да се искористат сите расположливи ресурси, вклучително медиумите, платените експерти блиски до СДСМ, невладините организации, при што Милчин на располагање ја ставил и полугата на албански медиуми кои се финансирани од СОРОС, како и Албанци интелектуалци кои се на платниот список на оваа организација. Нивната задача би била во јавноста да креираат тензија и етничка нетрпеливост, при што и самите биле свесни дека тоа е лесно распламлива тема која може многу лесно да стане актуелна, пишува денска Денешен.

На средбата, пишува порталот, било договорено СДСМ како партија да стои настрана од случувањата и да не излегува со коментари во јавноста. Соговорниците одлучиле дека партијата треба да ги стави сите расположливи средства на располагање на планот за креирање тензии и меѓуетнички конфликти.

-Според нашите извори, на средбата било истакнато дека ова е момент кој може максимално да се искористи во креирање на незадоволство. Настаните кои следат овие неколку дена потврдуваат дека сценариото од информациите за ваква една средба на големо се остварува. Сите портали финансирани од СОРОС се максимално посветени во публикувањето на вести и превземањето на содржини од албанските медиуми каде на големо се шири тензија и етничка нетрпеливост. Фрчковски го даде својот печат со колумна посветена на ограничувањерто на слободи права, а Кабранов како предводник на македонските портали финансирани од СОРОС кои длабоко се влезени во одработување на картата за етничка и верска нетрпеливост, пишува Денешен.

СДСМ сеуште не излезе со официјален став и осуда за насилните протести кои следуваа по пресудите за „Монструм“.