Насилникот кој ја нападна екипата на ТВ 24 призна вина, пресуда во петок

Милчо Пенов кој физичи и вербално ја нападна екипата на ТВ 24 денеска пред судот призна вина за стореното дело, пренесува ТВ24.

Пенов физички го нападна снимателот Љубиша Игнатов, а упати и вербални напади кон новинарот Александар Тодески, додека тие снимаа инсерти пред куќата во која беше пријавено живеалиштето контроверзниот украински олигарх Олександар Онишченко. Пенов упати и јавно извинување до снимателот за физичкиот напад врз него.

- Се чувствувам виновен и се каам за стореното дело. Скоро четири дена бев под опсада и малтертирање од повеќе телевизиски екипи. Јас сум болен човек и примам терапија. Јас упатував пцовки, но и снимателот исто така. Со новинарот немав никаков проблем. Искрено се извинувам за стореното дело, изјави Пенов.