Ми го киднапираа детето и го принудија да проси: Татко на момче од Белград кое се вратило дома по 10 дена

Давид Ш. (12) од Белград е пронајден по десетдневна опсежна потрага, откако исчезнал од дворот на неговата семејна куќа. Тагата на неговите родители завршила кога им заѕвонил телефонот, а од другата страна на линијата слушнале полицаец кој им се јавил и им рекол дека можат да дојдат да го земат нивниот син, пишува „Блиц“.

„Прво ни се јави човек кој ни рече дека е виден во Ниш, но не можевме да бидеме среќни од полициските информации. Но сега  Давид е добро, пристигна дома, отидов да го земам во полициската станица во Ниш“, ја започнува приказната таткото на Давид, Асан.

Како што раскажал таткото на пронајденото момче, драмата започнала кога Давид излегол од дворот и се упатил кон Ушќе. Потоа се сретнал со група врсници кои наводно го принудиле да оди со нив во Ниш.

„Ми кажа дека тие момчиња, но и нивните родители го собрале со закани дека ако не оди да проси, ќе го претепаат. Не знам како стигнале таму, веројатно со автобус. Едниот е помлад од Давид, а другите, не знам, се поголеми од него, па не знам колку години имаат. Ги знаеше од градот, ги сретна неколку пати“, вели Асан и додал:

„Тој никогаш не бил проблематично дете, ниту пак отишол надвор од Белград. Беше страшно овие денови кога немавме никакви информации за него. Порано се случуваше да отиде малку во град, но секогаш одговараше, успеваше да позајми телефон и да ни се јави. Најважно е што сега е добро и со нас. Ја научи лекцијата, фала богу“, заклучи Асан Шерифовиќ.