Манчестер: полицијата и пожарникарите опколија авион поради закана за бомба
Британската полиција и пожарникарските екипи ја преполнија пистата на аеродромот во Манчестер по закана за бомба.
Летот на „Емирејтс“ од Дубаи бил опколен од службите за итни случаи откако слетал нешто по 19 часот, пишува „Мирор“.
Полицијата на Манчестер потврди дека се извршени безбедносни проверки и дека досега не се пронајдени сомнителни предмети.
Од аеродромот во Манчестер вечерва потврдија дека авионот слетал и полицијата се занимава со инцидентот.
Полицијата на Манчестер соопшти дека сите патници се евакуирани и дека во оваа фаза од истрагата нема уапсени.
„Авионот слета на аеродромот во Манчестер и е задржан за понатамошна проценка. Претресите и безбедносните проверки се завршени и досега не се пронајдени сомнителни предмети“.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
