Лавров: Русија сака да ги разбере мотивите зад рокот од 50 дена на Трамп

Русија сака да разбере што ја мотивирало изјавата на американскиот претседател Доналд Трамп дека Русија мора да се согласи на мировен договор во Украина во рок од 50 дена, изјави рускиот министер за надворешни работи Сергеј Лавров.

На прес-конференција на маргините на 25-от состанок на министрите за надворешни работи на Шангајската организација за соработка (ШОС) во кинескиот град Тјенџин, Лавров рече дека не се сомнева дека Русија ќе се справи со какви било нови санкции.

-Секако, сакаме да разбереме што стои зад оваа изјава (на Трамп) – 50 дена. Претходно, имаше 24 часа, имаше 100 дена, поминавме низ сето ова и навистина сакаме да разбереме што го мотивира американскиот претседател, рече рускиот министер.

„Јасно е дека тој (Трамп) е под огромен, би рекол непристоен притисок од ЕУ и сегашното раководство на НАТО, кои безцеремонијално ги поддржуваат барањата на (Володимир) Зеленски и продолжуваат да го снабдуваат со модерно, вклучително и офанзивно, оружје на сметка на сè поголема и поголема штета на даночните обврзници во западните земји, додаде Лавров.