Крива Река се излеа во Крива Паланка: Итно известување до граѓаните, во прекин сообраќајот кон село Луке
Општина Крива Паланка повикува на смиреност по новонастанатата состојба и излевањето на делови од Крива Река.
Од општината велат дека службите се на терен, се превземаат сите мерки, а состојбата е под контрола.
-Поради обилните врнежи дојдено е до поголемо излевање на повеќе долови, Домачки Дол, Куков Дол, а надојдените водотеци, долови и буици предизвикаа излевање на Крива Река. Се повикуваат сите граѓани да останат смирени и крајно внимателно да се однесуваат и да постапуваат, особено во реонот по десниот брег на течение на Крива Река, како и во реоните кадешто има појава на свлечишта, се вели во известувањето на Општината.
Сите настанати штети, но и состојби од терен со излевање или појава на свлечишта да се пријават кај лицето за контакт од Општина Крива Паланка, Даниела Велковска, на тел. 075 229 000.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
