Костадиновска-Стојчевска: Даваме јасна поддршка во програмскиот дел на МКЦ

Јас имав средба со дел од програмскиот Совет на МКЦ и можам да кажам дека она што е во делокругот на Министерството, ние го остваривме. Го поддржуваме МКЦ во програмскиот дел, односно во делот на манифестацијата МОТ, „Здраво Млади“, Меѓународното гостување на женскиот хор и книжевните работилници, истакна на денешната прес-конференција министерката за култура Бисера Костадиновска-Стојчевска во одговор на прашање.

Таа напомена дека Министерството дава јасна поддршка на делувањето на МКЦ, како политика со која ги поддржуваат и младите.

-Секогаш сме отворени доколку од МКЦ имаат и некои нови иновативни идеи да се обраќаат до нас, за ние да можеме да ги поддржиме. Нашиот фокус се младите, исто како што беше и нашиот фокус при креирањето на програмата. Секогаш примат имаат младите да творат, да се креативни, а не беа заборавени и жените, додаде Костадиновска-Стојчевска.