ЈСП апелира: Носете маска при користење јавен превоз

ЈСП Скопје испрати апел до граѓаните да ги почитуваат препораките за заштита од ковид-19 при користење на јавен превоз.

„Потсетуваме дека ЈСП Скопје нема ингеренции да забранува влез на патници кои при користење на превозот не носат маска, ниту имаме право да ги казнуваме.

Единствено, со одговорно однесување на секој поединец, а со оглед на тоа дека превозот секојдневно го користат илјадници граѓани, може сите да придонесеме во борбата против ширење на вирусот“, велат од ЈСП Скопје.

ЈСП Скопје очекува дека апелот ќе биде добронамерно прифатен и применет во интерес на колективното здравје.