Израелскиот министер до Хамас: „Предадете се или ќе умрете“

Израелскиот министер за одбрана, Јоав Галан и’ постави ултиматум на милитантната група Хамас, која уби над 1.400 Израелци по ненадејниот напад пред 10 дена.

„Предадете се или умрете, нема трета опција“, рече тој за време на посетата на јужната израелска воена база.

Претходно беше објавено дека е убиен висок командант на Хамас.

Ајман Нофал е убиен во израелски воздушен напад врз Газа, се наведува во соопштението на милитантната група.

Тој беше член на Генералниот воен совет и командант на вооруженото крило на Хамас.