И 27 години помладата жена не му се погоди: Се разведува по петти пат

Германската фудбалска икона Лотар Матеус во последните години е познат и по бурниот љубовен живот. На фудбалскиот терен беше голем шампион, единствен е со пет настапи на Мундијали, еднаш и го освои светското првенство, потоа како тренер немаше толку успеси, а никако да се „скраси“ во приватниот живот. Матеус петпати се женеше, и петпати се разведе.

Германските медиуми пишуваат дека 60-годишниот Матеус тајно се разделил со сопругата Анастасија, која е 27 години помлада од него и со која има еден син. Таа не сакала да пере долна облека и дресови, а Матеус вели дека остануваат пријатели. Матеус веќе нашол нова девојка, но не сакаше да открие ништо, ни името на новата потенцијално шеста сопруга.