Хорор во Оклахома: Пронајдени седум тела во куќа, меѓу нив две киднапирани тинејџерки

Телата на седум лица беа пронајдени во понеделникот во дом во Оклахома, соопштија властите. Меѓу жртвите има две исчезнати тинејџерки, нивниот осомничен киднапер и уште четири лица.

Државната патрола на Оклахома испратила итна тревога во понеделникот наутро во потрага по 14-годишната Ајви Вебстер и 16-годишната Британи Бруер, кои се сомневаше дека биле со 39-годишниот Џеси Мекфејден, кој веќе бил осуден за силување.

Но, во понеделникот попладне, шерифот на округот Окмулџи, Еди Рајс, рече дека двете девојчиња и Мекфејден се верува дека се меѓу седумте мртви тела откриени во една фарма источно од градот Хенриета, околу 50 милји јужно од Тулса.

Според NBC News, не се достапни дополнителни детали за смртните случаи.

Мајката на Ајви за FOX23 изјавила дека полицијата ја информирала дека на имотот каде што наводно живеел Мекфејден биле пронајдени седум тела.

Мајката рече дека полицијата и кажала дека ги пронашла телата на пет деца и двајца возрасни.

На местото на настанот се присутни силни полициски сили и во тек е увид.