Гужва на Богородица и Табановце, се чека околу 40 минути

Интензитетот на сообраќај на патните правци надвор од градските средини е зголемен.

На граничните премини Богородица и Табановце има зголемена фреквенција и чекање околу 40 минути. На останатите гранични премини од македонска страна, нема подолги задржувања за влез и излез од државата, јавува АМСМ.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.