Голем пожар во Подгорица, огнот се шири поради ветерот
Голем пожар избувна вечерва во Подгорица.
На местото на настанот се испратени екипи на Службата за заштита и спасување на главниот град на Црна Гора, пренесува „Вијести“.
Службата на фејсбук соопшти дека во 20 часот и 14 минути им било пријавено дека во Долјани гори ниска вегетација.
На местото на настанот се испратени пет екипи со петнаесет пожарникари.
„Кога дојдовме на местото на настанот затекнавме пожар од големи размери, кој се ширеше поради засилениот ветер. Припадниците на Службата се на терен за локализирање на пожарот“, се наведува во објавата на фејсбук.
31.07.2023 - 22:29
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
